في السلك.. بابكر سلك

في السلك

بابكر سلك

 

* يقولون إن الراعي واعي

* قام الراعي صدق

* وقرر (يشتري) المجد

* قام رعي سيكافا التي كان يسميها بطولة المجاعة قياساً علي الكديس لما غلبو يصل المشلعيب قال اللبن (عففففففن)

* وإدارة المشاريع الرعوية

* في رسالة منها لكل الرعية المشاركة في بطولة (المراعي)

* قامت ختت شعار الراعي في كل مكان أثناء مباريات بطولة الرعاية

* والكلام ده ماساي

* الكلام ده تذكير لكل الرعية ان هذه الدورة (مخصصة) للراعي

* اهتمت اللجنة المنظمة برغبة الراعي في شراء المجد

* وأهملت اللوائح والقوانين

* فشارك الراعي بلاعب تحت التجربة لسة ما اتسجل

* أجي يا البرقش؟؟؟؟

* وده كووولو ما الموضوع

* الموضوع لو فشل الراعي في شراء المجد

* بالمناسبة من حقو يشتري المجد والنجدة وحنبوكة ذاتو

* لكن فشلو بعد رسو المزاد عليه وسداد المبلغ ببقي قصة محيرة

* السنة الفاتت الراعي شبك ناسوا هجم النمر هجم النمر

* لحدي نص الشوط الأول

* والأميرة (الغبشاء) حضوراً انيقاً وراعينا يعاين ليها ويتبسم

* بس

* فجأة كدة

* جات لي شاما

* قبل تصل شاما في واحد وقع علي قدومو هكذا عنت الأميرة الغبشاء قبلما الخورة نصل شامة

* وتعال شوف

* واحد انبطح برة الخط

* اثنين رقدو رز

* لكن للأمانة جوة الخط

* وشاما كشحها

* الأميرة الغبشاء تلبت من المقصورة وقطعت رحطها براها

* قالت ليهو ارجاك لمتين ياهلال

* اقصد ياهناي

* والكورة ماشة علي الشبكة

* ولسه الراعي بردد

* هجم النمر

* افريقيا ياهناي

* سيكافا القيافة

* فاطلق الناس علي الراعي اسم محمود الكذاب

* وتداولوا النكات

* اذكر منها نكتة سواق التاكسي بتاع ابروف

* لما المرا قالت ليهو خصمتك بالنبي كان تضرب بوريك العفن ده تاني

* وشال شاما عروسو وعلي الفندق عدل

* ذكريات بتطورها محاولات شراء المجد

* ويا سلام علي السودان

* نشتري المجد بأغلى ثمن

* المهم

* الراعي المرة دي عامل واعي جدا

* والخيبة تلوح في الأفق

* لكن السؤال

* هل يجوز أن تصل شكوي في سيكافا لكاس.؟؟؟؟

* والكاس بثبت النفاس

* وربي ماتحرم بيت من الأطفال

* لكن لاحظت حاجة

* الأفارقة الفي كشف فريق كدة اكتر من الأفارقة الفي جميع اندية سيكافا مجتمعات

* منتخب فرنسا مافيهو افارقة قدر ده

* اسي ديل يحفظوا نشيد العلم متين؟؟؟

* الحمد لله ماحايمشوا البطولة العربية

* لأنو البطولة العربية بمشيها البطل بس

* وتعظيم سلام دكتور مدثر خبرى قال لي والله ما عندي علاقة بالكورة

* ضحكت

* وقلت ليهو طالما ما عندك علاقة بالكورة اذن ابوك هلالابي

* المهم

* يجري اعداد الزعيم كما يريد الجهاز الفني

* اذن ستكون نتائج الزعيم لهذا الموسم كما تريد الجماهير

* اشتقنا لريحة المطار

* ايها الناس

* ان تنصروا الله ينصركم

* اها

* نجي لي شمارات والي الخرطوم

* سمعت يا والينا

* بالنملة الدايرة تطلع الجبل وكلما تجرب تقع فينا؟؟؟

* مية سنة بتحاول يا والينا

* خايفين كردنة في نطيطو من الكاسات يعفصها لينا

سلك كهربا

ننساك كيف والكلب قال كترت المحاولات ما اصرار ولكنها حماقة واحساس بالدونية وشوق لريحة المطار

وإلى لقاء

سلك