بدرالدين الفاتح.. (تشه) وفينو (هلال رامي وينو)

هذا رايي

بدرالدين الفاتح

(تشه) وفينو (هلال رامي وينو)

 

*في ليلة رمضان لا يظهر الجان ويصفد الشيطان .

*في ليلة رمضان الماضي تم (صفدها) ببركوتا ..وفي ليلة الأمس تم صفدها بهاسينا وتشيسالا.

*المسؤولية والحماس والارادة وقوة الدافع واحترام الشعار أهلت المريخ للانتصار .

*وهو انتصار حقيقي حمرة عين (قنقر).

*انتصار لا فيهو شك ولا شق بقول طق .

*تجلى نجوم المريخ وابدعوا واستحقوا نقاط المباراة واستحقوا النجومية المطلقة .

*ولولا حكم المباراة لانتهت برقم قياسي .

*فوز اعاد الهلال الى حجمه الطبيعي..وألقم اعلامة حجرا كبيرا .

*البلد دى كبيرها واحد مافي غيره ..وزعيمها واحد .

*حبة (هاسينا ) لعلاج حساسية رامي .. و(تشة ) تشيسالا لعلاج تأخر النضج وسلامة النطق.

*منطق المبارة لم يكن منصفا فالنهاية العادلة مازمبية.

*حكم المباراة كان عونا للزبون وندا للمريخ اكثر من الهلال .

*جان كلود حوله (داؤودا ) الى جان (كوود).

*مفاتيح قلبك معاي.

*بانغورا أكد ان دفاع الهلال ماسورة وفريد ما بالايد.

*المباراة عموما أكدت ان القمردين لايحلل الصيام .

*وصلاح شلوت صديق للكروت .

*طردين في (72)ساعة ..(رقم قياسي )..

*بدون صانع العاب كملنا فهم التمريرات.

*وصانع الألعاب فوق كم ..فول فريد عوضنا النقص ..صنع الاول وتسبب في ضربة جزاء .

*دفاع الهلال تقاطع شوارع بدون إشارة.

*تخش سااااكت .

*هلال الابطال اتبهدل واتهان.

*اخوان رمضان جهزوا الزبون للبركان .

*الفوز على الهلال عادة .

*وهزيمة الهلال امام الكبار امر طبيعي ومقبول .

*ومافي اكبر من المريخ مقاما وتاريخا وسجلات وبطولات وارقام قياسية .

*لا جان كوود ولا صلاح مطرود ..

*هيبة المريخ كافية لهز عرش الهلال .

*ويد المريخ العليا ومادونه سفلى .

*(18)محترف (شباين ).

*القمة للفريق القمة .

*لا جابوا كاس ولاقدموا مايقنع الناس .

*(18) محترف نقترح تحويلهم لزراعة الجرف .

*او يشكلوا إسناد لمشروع الجزيرة .

*يساهموا في إنتاج القطن طالما ما ببردوا بطن.

*فلومو وجان والهلال في خبر كان .

*احمد سالم وصنداي والهلال في الباي باي.

*اسماء كبيرة في الإعلام وصغيرة في الميدان .

*الكبير كبير والبلد دى كبيرها واحد مافي غيرو.

*تغلبوا الصن او لبوبو الصفر ترقدوا فوقو.

*رامي قال شنو .

*وقول رامي رجع ليهو ولهلاله .

*الفوز على المريخ أمنية وفوزنا على الهلال عادة .

*مابين قمة نواكشوط وكيغالي الخبت ثابت .

*صحي سمح وقونو برااااا..وفول فريد ما دايرة.

*وين النقطة يا عليقي .

*ناس الجاز وهاسينا حبس الأنفاس.

*اشي على ناس رامي البتلبدو زي الحرامي .

*والصفقه فوووووق وهاسينا لكل الماذينا.

*وصفقة للدهابة لادجى وهاسينا.

*الزعلان كلمو بانغورا فنان .

*صمنا ست مباريات وافطرنا بالزبون .

*تلاتة نقاط غاليات .

*نقطة جبر (خاطر) .

*ونقطة (قلق) جديد .

*ونقطة ابيض عنيد .

*ياهسينا وناسينا حن علينا .

*تشيسالا قدرة فول شالا.

*ضرب الزبون رسالة في بريد الاتحاد وابوالقاسم عوض وعبدالرحمن صالح والعليقي وحكام الشاي بالياسمين.

*وكلهم مجتمعين ماقادرين على الزعيم .

*الشكوى فى رواندا مذلة.

*آخر خبر : الهلال يشتكي من سرعة بانغورا وتمريرات تشيسالا .

*آخر خبر :الزبون لا يظهر في الايام المباركة.

*الصفد في رمضان والبكاء في ام درمان .

*وهلال العليقي الهلال الوحيد الذي يختفي في رمضان ..

*آخر خبر: اول رمضان بدون هلال .